Spikerja e lajmeve Senada Jaho i mungon ekranit që kur ajo e la vendin për të krijuar një jetë të re në Shtetet e Bashkuara të Amerikës. E ftuar në “Abc e Pasdites”, Senada tregoi se është bërë nënë. Si një person shumë i rezervuar, Jaho tha se arsyeja pse nuk publikoi foto nga shtatzënia në rrjete sociale ishte sepse donte ta shijonte vetë. Madje dhe familjes i ka thënë shumë vonë, në muajin e 5-të të shtatzanisë. Senada rrëfeu se ditën e lindjes së Khan nuk e ndau me askënd dhe shkoi e vetme me bashkëshortin në maternitet. Emrin Khan e ka zgjedhur si pasojë e dashurisë së madhe për historinë dhe “Khan” është një titull i lartë në Azi.
E pyetur nëse do të rikthehet në Shqipëri, Senada u përgjigj: “Patjetër që do të ketë një rikthim në Shqipëri e në punën time. Unë e adhuroj atë profesion. Por çdo njeri ka nevojë për një pauzë në jetë. Ky ishte momenti më i bukur ku unë mund të merrja një pauzë.”
