Vizitat mjekësore të Shakirës në një klinikë private spanjolle kanë sjellë raporte, të cilat flasin për një problem shëndetësor të këngëtares. “Marca” raporton se ka informacione për vizita të këngëtares kolumbiane në klinikën Teknon, për t’u marrë me problemet shëndetësore që lindën pas divorcit të saj me Pique.
Raportet e para thanë se ajo po vizitonte babain e saj, i cili ishte sëmurë dhe kishte nevojë për shtrimin në spital. Megjithatë, kjo duket se nuk është arsyeja. “Nuk është për shkak të babait të saj. Ajo nuk shkon të takojë asnjë nga familjarët dhe është e vërtetë që shkon për veten”, thonë burimet.
“Ne nuk e dimë se çfarë po ndodh me të. Ndoshta është thjesht një çështje kozmetike, që ajo dëshiron të përgatitet për turneun e saj, ose ndoshta është një çështje serioze shëndetësore. Megjithatë, ne ende nuk e dimë saktësisht se për çfarë bëhet fjalë”.
