Këngëtarja e njohur braziliane Anitta nuk ngurron të flasë për operacionet plastike që ka bërë. Në fakt, asaj i pëlqen transformimi. Anitta foli për ndërhyrjen në hundë, në nofull dhe zmadhimin e gjoksit duke thënë se kirurgjitë “nuk kanë të bëjnë me faktin se sa e kënaqur është ajo me veten”.
“Nuk ka të bëjë me faktin që nuk jam e kënaqur me veten. Për mua është njësoj si të ndryshoj flokët. Edhe nëse rezultati nuk është mirë, ose siç e prisja, përsëri më pëlqen procesi. Më pëlqen adrenalina”, tha ajo për WSJ. Madje, Anitta i ka përdorur operacionet si një frymëzim për muzikën e saj.
Në fakt, ajo shfaqi gjashtë koka në kopertinën e albumit të saj “Versions of Me” duke simbolizuar ndryshimet e shumta që ajo ka pasur gjatë viteve.
