Këtë të diel Pashke, aktori i njohur i “Portokallisë”, Florjan Binaj, e ka kaluar me familjen në bregdet. Krena, vajza e tij e parë, tashmë është rritur dhe ka filluar të tregojë edhe gjërat e para që i pëlqejnë. E ka nisur me guaskat (jo rastësisht) dhe meqë nuk mban dot aq shumë sa do të donte, i kërkon ndihmë të atit. Këtë shkruan Flori në një foto të postuar këtë mbrëmje në profilet e tij sociale: “Babi, mbaji ti guaskat, se e ke dorën e madhe. Dashuria më e madhe” – shkruan ai në Facebook.
Që Krenës i pëlqejnë guaskat, nuk është rastësi. I ati, pak muaj më parë, ka prezantuar publikisht një projekt “guaskë gjigante”, një ndër punët e tij më të dashura si arkitekt, e cila është konsideruar si një pikë referimi për qytetin e Tiranës. Puna për Florin, sapo ka nisur… Dhe Krena, me siguri, do të jetë pjesë e kësaj rruge suksesi. / revistaclass.al
