Edhe pse është vetëm një takim normal i dy personave që pinë kafe në Londër, njëra prej tyre është një nga aktoret dhe aktivistet më të njohura në botë, kështu që tashmë në internet po qarkullojnë thashetheme se personi me të cilin është parë mund të jetë partneri i saj i ri. Kjo është Angelina Jolie, e cila u kap nga një fans teksa po pinte një kafe me aktorin irlandez Paul Mescal, pasi mori pjesë në një shfaqje teatrale. Thashethemet u përhapën pasi Mescal duket se po ndahet nga partnerja e tij, Phoebe Bridgers. Jolie, e cila aktualisht është beqare pas divorcit të saj nga Brad Pitt, u pa duke biseduar me aktorin irlandez. E pranishme në takim ishte edhe vajza 16-vjeçare e Anxhelinës, Shiloh, e cila u interesua për bisedën mes nënës së saj dhe aktorit 26-vjeçar.
