Përballja më e fundit ishte e sikletshme për Pique, por jo për Shakirën!

Paparacët kanë kapur disa momente nga takimi më i fundit mes Shakirës dhe Piques, kur ky i fundit është larguar me bagazhin e makinës hapur. Qoftë për shkak se ishte në nxitim për t’i dhënë fund momentit të sikletshëm, për shkak të pakujdesisë apo për shkak të situatës, ai e nisi makinën me pjesën e pasme të makinës hapur. Pas kësaj, Pique është nisur drejt shtëpisë, ndonëse partnerja e tij aktuale, Clara Chia, për momentin nuk ndodhet në shtëpi. Një nga marrëveshjet e arritura nga të dy është që kur Pique të jetë me fëmijët e tyre, Clara nuk do të jetë e pranishme në shtëpi, pasi objektivi kryesor i tyre është që të përpiqen t’i bëjnë të gjitha këto momente sa më të lehta për fëmijët. Nuk është sekret që marrëdhënia mes Shakirës dhe Pique nuk është e mirë. Të dy kanë pasur uljet dhe ngritjet e tyre, por duhet të takohen relativisht shpesh, veçanërisht kur ish-lojtari shkon të marrë fëmijët e tij. Megjithatë me këtë rast ka tërhequr shumë vëmendje, siç shihet në video se si ka shkuar takimi i lartpërmendur. Shakira e injoroi plotësisht praninë e Piques, duke kaluar pranë tij pa e kthyer kokën për asnjë moment. Ajo as nuk e shikoi dhe as nuk i tha asnjë fjalë teksa Pique rregullonte gjërat dhe përgatitej të largohej me fëmijët e tij.