Aktori Bruce Willis ka demencë frontotemporale. Këtë ka njoftuar familja e tij në rrjetet sociale.
Aktori 67 vjeçar u tërhoq nga aktrimi rreth një vit më parë për shkak të betejës së tij me çrregullimin e trurit, e njohur si afazinë.
Kjo sëmundje shkaktoi përkeqësimin e aftësive të tij gjuhësore. Në një deklaratë të enjten, familja e tij njoftoi se gjendja e tij ishte përkeqësuar.
Kjo sëmundje prek lobet e trurit, të cilat merren me sjelljen, zgjidhjen e problemeve, planifikimin dhe emocionet. Simptomat përfshijnë ndryshime të personalitetit, sjellje obsesive dhe vështirësi në të folur.
