Pas raportimeve të fundit se ata janë ndarë, Megan Fox dhe Machine Gun Kelly thuhet se po bëjnë një pushim nga njëri-tjetri. Aktorja është me reperin që nga viti 2020 por së fundmi kanë pasur disa luhatje. Në vitin 2022, reperi i propozoi dhe Megan Fox tha po. Ata janë fejuar që atëherë, por mund të mos arrijnë as të lidhin martesën. Burime nga Page Six konfirmuan se Megan Fox dhe Machine Gun Kelly janë aktualisht larg njëri-tjetrit.
“Romanca e tyre është bërë shumë e paqëndrueshme. Ata janë aktualisht larg njëri-tjetrit, por ende flasin me mesazhe”, tha burimi.
Kjo ndodhi pak kohë pasi vetë Fox doli dhe mohoi thashethemet se Machine Gun Kelly e tradhtoi atë. Ditët e fundit, aktorja mori pjesë e vetme në festën e Oscars Vanity Fair. Fotografët vunë re se ajo nuk mbante unazën e saj të fejesës.
Megjithatë çifti ende nuk ka treguar nëse po tërhiqen nga dasma apo thjesht po bëjnë një pushim për t’u rikthyer së bashku.
