Aktorja Halle Bailey do të luajë sirenën Ariel në filmin e Disney “Sirena e vogël” që do të dalë në maj të këtij viti. Në një intervistë me revistën “Edition”, aktorja ka treguar se ka qëndruar më shumë se 13 orë në ujë dhe të kalosh kaq shumë orë në ujë ka edhe efekte negative afatgjata në lëkurë. Megjithatë, Halle shprehet se puna e saj e palodhur është shpërblyer. Aktorja ka zbuluar se ajo e pa për herë të parë filmin origjinal të Disney-t të vitit 1989 ur ishte vetëm 5 vjeç. Ajo është shprehur se është e emocionuar për version e ri të filmit i cili do të vijë edhe me disa ndryshime në skenar. Lajmi për përzgjedhjen e saj si Ariel shkaktoi dhe zemërimin e një pjese të publikut të cilët nuk dëshironin që një aktore me ngjyrë të portretizonte sirenën Ariel.
