Fundjavat e Katy Perry-t duken pak më ndryshe nga ato dikur. Ndërsa ndoqi një ngjarje kokteji në New York City të hënën mbrëma ylli i pop-it nuk pranoi të pinte ndonjë gjë dhe zbuloi se aktualisht është duke u përpjekur të qëndrojë esëll pasi ka bërë një pakt me të fejuarin Orlando Bloom. “Unë kam qenë esëll për pesë javë…,” tha ajo, sipas People.
“Kam bërë një marrëveshje me partnerin tim dhe nuk dua të heq dorë”, shtoi ajo, duke u shtirur me shaka se po qante. Kur gjyqtari i American Idol, Luke Bryan, i cili ishte gjithashtu i pranishëm së bashku me Lionel Richie, e pyeti këngëtaren nëse do ta thyente premtimin e saj ndaj Bloom, ajo tha: “Jo! Unë nuk mund të heq dorë. Bëra një premtim. Tre muaj.”
Për fat të mirë, Katy nuk duhej të abstenonte plotësisht nga festa. Thuhet se lokali ishte i pajisur me linjën e saj të aperitivëve joalkoolikë, De Soi. “Unë definitivisht nuk mund të pi si në të 20-at e mia,” tha ajo në një intervistë kur hapi kompaninë vitin e kaluar. “Në një ditë jave, duke pirë disa [pije alkoolike] më ndikojnë për një ose dy ditë të ardhshme.”
“Kështu që më pëlqen të kem pak vetëkontroll gjatë ditëve të javës dhe më pas të ha darka me miqtë dhe gjëra të tjera në fundjavë ose kur nuk jam duke punuar, etj,” vazhdoi Perry, 38 vjeç, e cila ka një vajzë dy vjeçare.
