Rike Roçi ndahet nga i dashuri italian pas 9 vitesh lidhje

Është komentuar si histori e bukur dashurie, dhe që ka zgjatur gati një dekadë ajo e Rike Roçit me Dj-in italian, Luca Binatti. Por ja që dhe lidhja e tyre ka marrë fund, edhe pse ishte nga ato historitë e bukura me shumë udhëtime dhe qejf, për shkak edhe të punës së të dashurit të saj, i cili luan muzikë në gjithë Italinë. Vetë Rike ka pohuar: ”Jam single, pasi jam ndarë nga Lucca dhe pushimet po i bëj si vajzë beqare”. Pas ribashkimit vitin e kaluar, tashmë Rike, e cila u bë e njohur në “Big Brother 7”, është ndarë përfundimisht nga i dashuri i saj, pas asnjë mundësi rikthimi. Rike, e cila ka konkuruar dhe në “Dancing with the Stars” në Tiranë, përveç ndryshimeve në çështjet sentimentale, ka dhe të reja nga jeta profesionale. Ajo tashmë po punon për argjentinasen, Belen Rodrigez. Mësohet se Rike është pjesë e stafit të saj, në biznesin që sapo ka inaguruar në Milano, një bar-restorant që Rodrigez e ka emërtuar “Ricci”. 26 vjeçarja nga Durrësi deklaroi vitin e kaluar se ishte ndarë nga i dashuri, por s’kaloi shumë kohë dhe ata u panë bashkë sërish. Mesa duket rikthimi për disa muaj nuk ka funksionuar, përderisa ata tashmë kanë treguar tek miqtë e tyre të afërt se janë ndarë përfundimisht dhe se historia e tyre nuk ka më kthim pas. S’dihen arsyet që e çuan çiftin në ndarje, edhe pse ata ishin shprehur se kishin edhe plane për martesë. Rike jeton prej 18 vitesh në Itali, dhe me Lucca-n ka deklaruar se njihen që në adoleshencë. Ajo ka folur shpesh në media për historinë e saj të dashurisë, duke theksuar se çelësi i jetëgjatësisë kishte qenë mirëkuptimi dhe fantazia në lidhje, duke shmangur monotinë, që shpesh i bën partnerët të mërziten me njëri-tjetrin. Se çfarë ndodhi që kjo lidhje e bukur mori fund, presim të na tregojë vetë Rike./kosovarja.com