Leonardo DiCaprio dhe Gigi Hadid duket se e frekuentojnë ende njëri-tjetrin.
Burime pranë tyre kanë bërë të ditur se Gigi dhe Leo janë ende në marrëdhënie miqësore dhe takohen kur kanë mundësi.
“Gigi dhe Leo ende shoqërohen dhe bisedojnë kur gjejnë kohë të lirë. Ata të dy e shijojnë shoqërinë e njëri-tjetrit dhe argëtohen së bashku kur oraret e tyre të ngarkuara ua lejojnë. Yolanda dhe Bella e dinë se Gigi është në gjendje të marrë vendime të shëndetshme dhe ato e mbështesin atë, prioriteti kryesor i Gigi-t është vajza e saj”, thotë burimi.
Kujtojmë se lajmet për ta qarkulluan në shtator të vitit 2022, ndonëse nuk u pranua kurrë asgjë prej asnjërit.
