Bukuroshja Belen Rodriguez ndodhet këto ditë në Los Angeles për të realizuar setin më të ri fotografik të markës së njohur “Guess” ku ajo është imazh ndërkombëtar. Për të bërë fotot me veshjet e koleksionit të ri, Belen i ka mbuluar të gjitha tatuazhet. Madje ajo është shprehur se ka ndërmend t’i zhdukë përgjithmonë ato. “Për fotot i mbulova të gjithë tatuazhet. Më pëlqen ta kem trupin të pastër dhe mendoj që me kohën do t’i heq të gjithë, përveç ndonjë të vogli. Disa prej tyre i kam bërë në momente të veçanta të jetës dhe jam shumë e lidhur, por s’kam menduar shumë për pasojat që mund të të kishin në punën time si modele”, ka thënë ajo. Belen ama nuk ka ndërmend të zhdukë nga trupi, fluturën e famshme që bëri namin dikur në Sanremo: “Atë do ta mbaj. E kam bërë kur isha 18 vjeçe tek një fotograf, Simone Falcetta. Nuk duket, nuk më jep bezdi”.
