Në rrjetet e tyre sociale, Cristiano Ronaldo dhe Georgina Rodriguez shprehin dashuri të pakushtëzuar për njëri-tjetrin. Megjithatë nga mediat e huaja qarkullojnë zëra për një krizë të mundshme. E fundit prej tyre vjen nga televizioni portugez, ku pohojnë se sportistit i ka ardhur në majë të hundës me partneren. Kështu, shenjat e një krize mes ish-lojtarit të Real Madridit dhe Georgina Rodriguez janë të qarta sipas programit televiziv portugez ‘Noite das Estrelas’, në kanalin CMTV.
Në këtë program dhe në disa media të tjera portugeze, ata tregojnë se Cristiano është “lodhur” nga qëndrimi i mbajtur nga Georgina Rodriguez.
Psikologu Quintino Aries analizoi dhe nxori përfundime nga qëndrimi i çiftit në javët e fundit në ngjarjet publike. Rezultatet e tij nuk lanë askënd indiferent.
“Sjellja e fundit e Ronaldos tregon dy gjëra: që jeta e tij personale nuk është në një moment lumturie dhe se sa më shumë distancohet nga nëna e tij, Dolores Aveiro, aq më pak i duruar është. Dhe të gjithë e dimë pse ai është gjithnjë e më i largët nga familja”, tha Quintino.
Daniel Nascimento, një gazetar dhe kontribues në program, shtoi: “Ronaldo nuk është i lumtur. Georgina i kalon ditët e saj në një qendër tregtare në Riad dhe kjo është një nga arsyet pse Cristiano ka filluar ta shohë këtë histori aspak për të qeshur. Ajo thjesht shpenzon dhe shpenzon dhe shpenzon. Dhe më e keqja, ajo mendon se është në nivelin e Cristianos. Ajo e vendos veten në piedestal dhe atij nuk i pëlqen fare”.
Një tjetër drejtues i talk show, Leo Caeiro, tha: “E kam thënë për muaj të tërë. Ata nuk po bëjnë mirë dhe ka gjasa që të ndahen. Realiteti është se CR7 është ngopur me të. Ky është realiteti. Unë ende them që nuk do të ketë dasmë”.
Në program kishte një zë që mbronte modelen, ishte Filipa Kastro, shoqja e Cristianos dhe ajo u hodh për t’i mbrojtur të dy: “Mund të pohoj nga një burim 100 për qind i besueshëm se si gjithmonë po ecin shumë mirë. Kjo është thjesht histori, thashetheme, të sajuara nga njerëz që nuk e durojnë Georginën. Ata janë një çift që kane dashuri për të dhënë dhe për të dhuruar.”
