Gazetari dhe kritiku i artit Vittorio Sgarbi jo më larg se përpara dy ditësh ka publikuar në adresën e tij personale në “Facebook” një foto nudo duke tërhequr vemendjen e të gjithëve. Kritiku i artit për momentin jeton në Padova duke u kujdesur për një ekspozitë pikturash në ‘San Lorenzo’. Arsyeja e publikim të fotos nudo është shumë provokative dhe domethënese. Menjëherë pas postimit media të shumta shpërndan foton e gazetarit, duke e kthyer kështu në lajmin e ditës. Por, vetëm pas dy ditësh gazetari ka reaguar në rrjetin social “Facebook” nëpërmjet një statusi ku shkruan: “ Në ditën kur u prezantua vepra një shekullore e Donatellos në San Lorenzo, gazetat dhe faqe të ndryshme në internet nuk shkruan asnjë fjalë. Unë jam kuratori i kësaj ekspozite por mediat nuk u morën me atë çfarë unë përcolla por bënë lajm foton time nudo. Ka ardhur moment t’iu them se ajo foto është bërë tre muaj më parë në një hotel në Genova. E postova pikërisht ditën e ekspozitës për të kuptuar sesa pak vend ka arti në media dhe sa shumë mbizotëron skandali dhe nudizmi. Merruni me nudizmin e Donatellos dhe jo me nudizmin tim”
