Mbrëmjen e sotme, në finalen e “Big Brother VIP”, Luizi dhe Kiara do të kurorëzojnë dashurinë e tyre në martesë. E ftuar në “Më lër të flas” Kiara tregoi se Luizi është në dijeni, pasi dasma nuk mund të bëhet pa pëlqimin e të dyja palëve.
“Do të vulosim martesën tonë, pastaj do të bëjmë një dasmë të madhe ku do të ftojmë të gjithë. Ai është në dijeni për ceremoninë. Ka qenë një kërkesë jona që para se të dilja nga shtëpia. Është më shumë si shenjë mirënjohjeje për publikun që na ka ndjekur këto katër muaj dhe ka dëshirë ta shikojë këtë moment kaq të bukur”, tha ajo.
Kiara ka treguar edhe takimin me vjehrrën. Ish-banorja tregoi se nëna e Luizit i ka bërë vetëm një vërejtje të vogël.
“Më tha pse ma ke lënë djalin pa ngrënë aty brenda. S’ke gatuar njëherë një gjellë tha. I thashë nuk kemi pasur mundësi të gatuajmë tamam, jo se nuk di unë të gatuaj”, tregoi Kiara.
Të bëhet nënë, është një nga dëshirat kryesore të Kiarës dhe këtë e shprehu edhe gjatë intervistës.
“Nuk e kisha menduar kurrë që do të hyja në Big Brother, aq më tepër që do të gjeja dashurinë e jetës. Gjëja që mendoj çdo ditë tani është që më ka hipur një dashuri të madhe për të krijuar familje dhe mezi po pres të bëhem nënë. Është gjëja që e kam kryesore. Shoh video me beba në Instagram”, tha Kiara.
