Halle Bailey ka parakaluar në tapetin blu për premierën e “Little Mermaid” dhe mori të gjithë vëmendjen. Ylli i filmit shkëlqeu nga koka te këmbët me një fustan mahnitës ngjyrë blu argjendi, nga stilisti shqiptar Valdrin Sahiti. Në mënyrë magjepsëse, bishti i fustanit dukej se ishte modeluar për të imituar një bisht sirene dhe busti imitonte guaskat e detit. Halle e kishte plotësuar veshjen me një palë vathë dhe një manikyr të shndritshëm blu. Me pak fjalë, aktorja thjesht u shndërrua në rolin e saj.
Në premierën e filmit, Halle u shpreh se sa shumë do të thotë për të roli në film. “Ky moment do të thotë gjithçka për mua, jam shumë mirënjohëse që jam këtu”, tha ajo për Deadline në këtë ngjarje. “Thjesht ndihem shumë e nderuar dhe jam e lumtur që më në fund ka ardhur dita ku të gjithë mund ta shikojmë.”
Filmi i shumëpritur shfaqet në kinema më 26 maj.
