Jennifer Lawrence po merr pjesë në një film dokumentar “Bread and roses” kushtuar historisë së grave afgane, të cilat luftojnë ndaj talebanëve. Ajo thotë për BBC se është shkatërruese të mendosh për vuajtjet që kanë duruar gratë afgane. Filmi është realizuar nga Excellent Cadaver, kompania e produksionit Lawrence e krijuar në vitin 2018 me shoqen e saj Justine Ciarrocchi.
“Ky dokumentar lindi nga emocioni dhe nevoja,” thotë Lawrence, e cila përshkruan se ndihej e pafuqishme dhe e frustruar për atë që po shihte në lajme ndaj rënies së Kabulit në vitin 2021, sepse rrethanat ishin kaq të tmerrshme për grate.
“Zemra ime po rrihte kaq shpejt duke parë këto gra duke sfiduar talebanët,” thotë Laërence. “Ju nuk e shihni këtë anë të historisë, gratë që luftojnë kundër dhe kjo është një pjesë e rëndësishme e filmit tonë dhe historive të këtyre grave.”
“Ata aktualisht nuk kanë autonomi brenda vendit të tyre. Është kaq e rëndësishme që atyre t’u jepet mundësia të dokumentojnë historinë e tyre, në mënyrën e tyre. Ndihesh shumë e pafuqishme kur mendon se si të bësh diçka për të. Është një gjë e vështirë të tregohet”, thotë ajo.
