Elvis Pupa është një prej personazheve më të dashura të publikut. Pjesëmarrja në “BBV” e afroi më tepër me Shqipërinë, ku edhe po jeton këto kohë me bashkëshorten, Belinën. Kjo e fundit në një intervistë për Mira Kazhanin në podkastin “Zë me Mirën”, ka zbuluar rrugëtimin e jetës së saj. Mes të tjerash, ajo foli edhe për problemet psikologjike dhe ajo që nënvizuam ishte njëra prej pyetjeve.
Nga e kupton që truri po lodhet?
“Momenti që nuk di të ndalosh mendimet. Kur shtrihesh në krevat dhe truri yt xhiron “nonstop”. Ndalo dhe mendo me veten ‘çfarë po ndodh me mua, pse po flas kështu me veten time?’. Kisha një pacient që nuk i kishte njerëzit afër, fëmijët i jetonin larg. Ishte në depresion, aq sa kishte dhe mendime vetëvrasjeje. Kishte vetëm një qen dhe thoshte se jeton për të. Çdo herë pas terapisë i lutesha zotit që mos ta gjente gjë qenin. Sa shumë si ky zotëri ka në botë sot”, tha Belina. Dhe na bëri të mendojmë më gjatë.
