Megan Fox ka qenë së fundmi në vëmendje të mediave pasi politikani amerikan Robby Starbuck e ka akuzuar se “po detyron dy djemtë e saj të veshin rroba vajzash”. Starbuck tha se fëmijët e tij kishin luajtur në park me fëmijët e Megan Fox, por shtonte se fëmijët e aktores ishin në “krizë emocionale” pasi ajo i detyronte të vishnin rroba vajzash.
Teksa postonte një foto të tre djemve të Megan, 10 vjeçari Noah, 9-vjeçari Bodhi, e 6 vjeçari Starbuck, ai shkruante: ”Këta janë djemtë e Megan Fox. Ne jetonim më parë në të njëjtin komunitet dhe fëmijët tanë luanin bashkë në park. Por kam parë sesi dy prej tyre hynë në një krizë emocionale duke thënë se e ëma i detyronte të vishnin rroba vajzash, teksa dadoja i ngushëllonte, ky është abuzim me të mitur. Lutuni për ta”.
Ai shtoi se biseda me fëmijët kishte ndodhur pesë vjet më parë dhe se asokohe ai “nuk tha asgjë publikisht” sepse, “ata ishin të vegjël dhe se besonte se do të merrte fund, pasi kishin shprehur qartë se dëshironin të vishnin rroba djemsh. Ne e dinim se zyrtarët në Kaliforni nuk do të bënin asgjë sepse ky shtet si shumë të tjerë në SHBA i promovon këto gjëra dhe ajo është një person i famshëm. Unë kam punuar më parë me Megan dhe u shokova kur ndodhi kjo situatë absurde, djemtë duket qartë që nuk janë të lumtur”.
Megan reagoi ashpër në rrjetin Instagram. “Më kanë sulmuar dhe më parë burra të vegjël impotentë si ty por kujdes se po ngatërrohesh me shtrigën e gabuar”, tha aktorja.
Në këtë çështje ka ndërhyrë edhe milioneri i Tesla, Elon Musk. Ky i fundit tha se ishte duke kërkuar të punësonte një “zv. shefe të Magjisë e Propagandës.”
Musk duket se mbante anën e Megan duke iu përgjigjur një komentuesi se “askush nuk është i përkryer”.
