Erik Lloshi ka folur hapur për hatërmbetjet me këngëtarët shqiptarë dhe konkretisht Ylli Limanin dhe Fifin.
I ftuar në “Më prit në fundjavë” me moderatorin Ermal Peçi, ai u shpreh i zhgënjyer nga dyshja për faktin që nuk e kishin mbështetur përmes një postimi në “Instagram” me këngën e fundit.
“Loja nëpërmjet artistëve është ndryshe. Unë personalisht ua kam çuar vetë këngën, sepse e di që janë shumë të ngarkuar, siç ma çojnë dhe mua këngën. Kështu është loja jonë, për suport minimal. E di ku është e keqja? Kur ta lënë mesazhin ‘seen’ kur e lexon mesazhin, por nuk kthen përgjigje dhe të shpërfillin. Dhe kush të shpërfill? Të shpërfillin ata persona që ti u ke dhënë dorën kur kanë qenë në hapat e tyre të parë. Është Fifi, Ylli Limani dhe Luiz Ejlli, artistë që unë gjithmonë i kam mbështetur. Luizi s’e ka parë mesazhin, kurse këta të dy e kanë lënë ‘seen’. Ata kanë menduar se Eriku si hyn më në punë, sepse momentalisht unë atyre s’u hyj në punë, por një ditë do t’ju hyj në punë,” tha ai.
