Cardi B denoncohet nga spektatorja që u godit me mikrofon!

Cardi B u shfaq tepër e nxehur në një video të fundit virale ku shfaqej duke i gjuajtur me mikrofon spektatores që i hodhi ujë. Veprimi i reperes është denoncuar tek autoritetet. Sipas “TMZ”, një grua që po qëndronte pranë personit që gjuajti reperen ka deklaruar se mikrofoni i Cardi e preku edhe atë. Në disa video, duket mikrofoni që godet personin që vërviti pijen, por bën rikoshet dhe kthehet drejt gruas që qëndron ngjitur me të. Policia e Las Vegasit është shprehur se gruaja e ka denoncuar për sulm. Emri i saj nuk dihet, por ka thënë se “është goditur nga një objekt i hedhur prej skenës” gjatë një koncerti të së shtunës.