Mbrëmjen e sotme ka nisur “reality show”, Love Island Albania në “TV Klan”.
Drejtuesja e emisionit Luana Vjollca u nis nga Tirana drejt vilës së “Love Island” me helikopter.
E veshur me të zeza Luana duke shkëlqyer ka mbërritur në bregdet teksa panorama që ofron perëndimi i diellit e bën edhe më magjepsëse situatën. Nën qiellin e vijës bregdetare që “flakëron”, Luana na merr me vete për të zbuluar më shumë rreth vilës luksoze të dashurisë ku do të bashkëjetojnë për disa muaj “islanders” që janë në garë për çmimin e madh, i cili do të jetë plotë 50 mijë euro.
Ajo ka prezantuar pjesën e jashtme të vilës luksoze të “islanders” duke nisur nga pishina e cila shkrihet në perfeksion me detin, për të vazhduar me disa ambiente fantastike të cilat si e kemi përmendur në artikujt e mëparshëm luajnë rol kyç në vendimet që do të marrin “islanders” në vilë.
Tani gjithçka nisi, dashuria le të shpërthejë.
