Vesa Luma dhe Big Basta janë një nga çiftet më të dashur të showbiz-it. Për disa vite ata jetuan në kontinentin e largët, Australi, teksa këtë vit janë rikthyer dhe mesa duket jo vetëm për pushime. Sot të dy kanë një datë të rëndësishme. Festojnë 8-vjetorin e martesës.
Big Basta e ka uruar Vesën me fjalë të ndjera.
“8 vjet martesë sot në 12 Shtator! Gati një dekade plot dashuri dhe sfida me ortaken time të jetës, të cilën pata fatin hyjnor ta njoh dhe të rritem me të.
Të shpreh dashurinë në këtë ditë të shënuar është pak, por uroj shumë që edhe në jetët e tjera të jemi bashkë! Këto 8 vite ke qenë shoqe, grua, ortake dhe mbi të gjitha nënë e përkryer, çka më bën të mos dua gjë tjetër veçse të jem pranë teje dhe të mësoj nga ti, të rrezatoj si ti. Të dua”, ka shkruar ai krahas fotos.