Marrëdhënia në çift nuk është e thjeshtë. Përshtatja me partnerin dhe partneren është sfidë më vete. Dhe këtë e thonë të gjithë ata që janë në një marrëdhënie në çift. Së fundmi për këtë pjesë ka folur edhe moderatorja Dojna Mema, e cila prej më shumë se një viti është e martuar me Vlashent Satën dhe të dy janë prindër të një djali, Nolan Solit.
E ftuar në “Një natë me Aulonën”, ajo rrëfeu detaje nga marrëdhënia e saj me Vlashentin.
Nuk jemi të qetë fare nëse përplasemi. Madje, kur rrinim tek apartamenti i vjetër valixhja ime rrinte gjithmonë gjysmë e bërë. Në momentin që bëhet një debat i fortë më fshihet në atë moment çdo gjë që ka ekzistuar përpara dhe them: “Kjo nuk është jeta që dua. Dhe e kam gjithnjë valixhen gati dhe shtoj vetëm ndonjë gjë kështu, është ajo pjesa e dramacitetit. E mbyll dhe e tërheq. Tani që kemi djalin nuk e bëj më, futem më dhomë dhe reflektoj. I kemi përplasjet shumë të forta. Jam larguar shumë herë. Mbi 20 herë, por kthehesha ditën tjetër”, ka thënë Dojna.
