Ndarja e Shakira-Gerard Piqué-s ka qenë një nga çështjet më të përfolura të këtij viti që po lëmë pas. E teksa Shakira ka folur për ndarjen, Pique nuk kishte folur kurrë, deri më tani.
Së fundmi ai ka vendosur të thyejë heshtjen dhe të diskutojë të gjithë situatën me ish-gruan.
Në një bisedë me Jordi Basté, për radiostacionin katalanas “Rac1”, ai theksoi se gjërat nuk janë siç hamendësohen nga të tjerët.
“Njerëzit nuk e dinë as dhjetë për qind se çfarë ka ndodhur realisht. Po t’i kisha dhënë rëndësi gjithçkaje që thuhej për mua, do të isha mbyllur në banesën time, ose do të isha hedhur nga dhoma e gjumit… E vetmja mënyrë për të dalë i gjallë nga e gjithë kjo është të mos i kushtosh rëndësi çdo gjëje”, tha Pique. Ai shtoi se tani mendon vetëm për karrierën, projektet dhe marrëdhënien e tij me Clara Chia-n.
