Çfarë do të bënte Kim Kardashian nëse nuk do ishte e famshme?

Në një intervistë të dhënë se fundmi, Kim Kardashian është shprehur se nëse nuk do të ishte e famshme do të ishte bërë një hetuese private. Teksa ka pozuar për kopertinën e revistës “Vogue Australia” për herë të dytë, nëna e dy fëmijëve është shprehur se si e imagjinonte jetën e saj nëse nuk do të ishte një personazh publik. “Do isha një hetuese private dhe do bëja një jetë normale”, ka shpjeguar Kim, e cila ka përfunduar vetëm gjimnazin, duke mos ndjekur universitetin ashtu si edhe motra dhe vëllai i saj, Kourtney dhe Rob. E pyetur për personat që e frymëzojnë atë, ajo është shprehur: “Eshtë nëna ime ajo që më frymëzon. Dëshiroj të jetoj si ajo, të punoj, të kem shumë fëmijë dhe të kujdesem për të gjithë ata, siç bën edhe ajo”. Por Kim nuk ka harruar pa përmendur edhe babain e saj, Robert Kardashian, për të cilin shprehet se është heroi i saj.