Fabrizio Corona pas burgut merr fund si ‘seks simbol’, bën botoks

Ka nga ata që e duan por edhe nga ata që e urrejnë, nga ata që e sulmojnë por edhe nga ata që e mbrojnë. Një gjë është e sigurtë, Fabrizio Corona (të paktën deri më tani), ka pasur gjithmonë pamjen e një mashkulli të bukur e njëherësh të “dënuar”. Por ku mbeti figura e tij prej seks simboli?! Ish-i fejuari i bukuroshes argjentinase Belen Rodriguez që i bënte femrat të çmendeshin pas tij, po e humbet këtë status.  Dalja e Corona-s në spektaklin e Maurizio Costanzos i ka lënë pa fjalë të gjithë, shkruan “Il Messaggero”. Aty u shfaq me një lëkurë të lëmuar që shkëlqente, me mollëzat e kuqe, me dhëmbët e vënë, të bardhë deri në ekzagjerim. Corona dukej me filtra “live” më shumë se sa në fotot e tij. Dhe pyetja që shpërtheu kudo nëpër internet ishte: Të ketë bërë botoks? Të gjitha të dhënat të çojnë këtu. Përfshirë edhe lajmin e publikuar nga “Novella 2000” se kirurgu plastik më i besuar i celebriteteve italiane, ka ndihmuar që ta kthente Fabrizion në pamjen që kishte para se të hynte në burg.