Angelina Jolie ka treguar në intervistën e saj për WSJ, disa detaje rreth biznesit të saj më të ri në industrinë e modës “Atelier Jolie”. Bbiznesi i 48-vjeçares ndodhet në lagjen Noho të Nju Jork.
Jolie thotë se nuk do të ndjekë trendet dhe do të ketë një qasje ndryshe nga ç’jemi mësuar t’i shohim të famshmit.
Dyqani do të shesë veshje të prodhuara nga “Atelier Jolie” si dhe të markave ekologjike. Gjithashtu klientët mund të sjellin veshjet e tyre për rregullime ose të krijojnë veshjet e tyre duke përdorur copa që nuk janë përdorur nga kompanitë. Dyqani ka një kafene që përshtatet me kauzat humanitare të Jolie sepse do të drejtohet nga “punonjës refugjatë dhe emigrantë” si dhe do të lejojë klientët të blejnë ose krijojnë copa për të personalizuar veshjet e tyre.
