Taylor Swift akuzon Kim Kardashian se e ka shkatërruar psikologjikisht!
Taylor Swift ka deklaruar se Kim Kardashian e ka shkatërruar psikologjikisht pas sherrit të tyre, aq sa u detyrua të fshihej. Këngëtarja, 33 vjeçe, është personi i vitit 2023 nga revista TIME dhe në intervistën e kopertinës ajo foli hapur për incidentin e vitit 2016 në të cilin reperi, Kanye West hodhi këngën “Famous” me një tekst vulgar për të, të cilin ajo nuk e miratonte. Kanye dhe Kim Kardashian asokohe publikuan një telefonatë të modifikuar dhe të regjistruar mes tyre që i bëri fansat të besonin të kundërtën.
Taylor shpjegoi gjatë intervistës se reagimi i publikut bëri që ta konsiderontë këtë si “një vdekje karriere” dhe “e çoi psikologjikisht në një vend që nuk kishte qenë kurrë më parë”.
“Një telefonatë e regjistruar ilegalisht, të cilën Kim Kardashian e redaktoi dhe më pas ua tregoi të gjithëve duke thënë se unë isha gënjeshtare,” kujtoi ajo.
“Kjo më çoi psikologjikisht në një vend ku nuk kam qenë kurrë më parë”, vazhdoi fituesja e Grammy.
“U transferova në një vend të huaj. Qëndrova në një shtëpi me qira për një vit. Kisha frikë të merrja telefonata. I largova shumicën e njerëzve në jetën time, sepse nuk i besoja më askujt. Ishte shumë e vështirë vërtetë, shumë vështirë.”, tha Swift.
