Bora Zemani ka pasur një vit plot suksese. Një moment të veçantë këtë vit pati në premierën e filmit “5 Herë Jo”, vend ku mori edhe propozimin për martesë nga Donaldi. Po si janë njohur? Takimi i parë? Bora i ka thënë të gjitha në emisionin “S’e luan topi”.
“Ne nuk jemi njohur në televizion, kemi qenë të ftuar në një koncert-recital. Atje u pamë dhe u morëm vesh me njëri tjetrin. Sytë tanë duhet ta kërkoni njëri-tjetrin. Sytë e Donaldit më goditën që në momentin e parë. E dija që njëri nga binjakët ishte i lidhur, kur pashë Donaldin, i thash ishalla nuk është ky i lidhuri. Dhe kur e mora vesh, u çlirova. Donaldi i ka marrë hapat i pari, por ishte qartë gjëja që në fillim. E ruanim njëri-tjetrin me sy, filluan mesazhet derisa u takuam që takoheshim për pak dhe shkonte biseda deri në orët e para të mëngjesit. Humori ka qenë gjëja e parë që na ka lidhur shumë me njëri tjetrin. Qeshja aq shumë me mesazhet. Unë nuk dija emrat e çunave. Isha me shoqet e mia të ngushta, njëra gjeti emrin e Donaldit dhe shkon te storyt dhe thotë “ky është e gjeta”. Un i them do dalë emri im. Më çon screenshot që i kisha parë storyn, tha më në fund të gjeta. Ky ishte mesazhi i parë, pastaj filloi komunikimi”, tha Bora.
