Getoar Selimi dhe Ledri do të ndajnë skenë bashkë pas më shumë se 10 vjetësh. Edhe pse u pane bashkë para dy vjetësh, ata nuk dhanë asnjë deklaratë për këtë, megjithatë Ledri në një intervistë të po dy viteve më parë, tha se me Getoarin nuk ka asnjë problem.
“Nuk është se nuk flas. Vetëm rrugët tona janë të ndara, kemi gjëra të ndryshme. Unë e kam në Instagram, nuk kam asgjë kundër. E shoh se çfarë bën. Edhe takimi me të nuk ka problem; ka ndodhur ajo që ka ndodhur nuk ia vlen të mbajmë inat. Njeriu i mirë fal. Nuk është se ai nuk më bëri asgjë. Pastaj nuk e pashë të arsyeshme të qëndroja atje, i pashë si re të zeza dhe doja të largohesha nga retë e zeza. Nuk kam asgjë kundër. Më vjen mirë që i shoh të gjitha mirë, Unikkatili, Noizy, Getin etj”, thoshte Ledri asokohe.
Kujtojmë se Ledri ka qenë pjesë e labelit “Babastars”, nga i cili u largua në vitin 2012, duke u larguar përkohësisht edhe nga vetë muzika.
Megjithatë duket se gjithçka që ka ndodhur mes dy artistëve ka mbetur vërtet pas, sepse sonte (3 janar 2024) do të jenë bashkë në një koncert në Prishtinë. Sigurisht që show është i garantuar. Të dy djemtë janë “follow” me njëri-tjetrin në “Instagram”.
