Rita Ora është gati të lërë pas të kaluarën me Dua Lipën dhe të dyja mund të bashkëpunojnë.
Ajo ka rishikuar një ide të propozuar më parë për të bërë një bashkëpunim. Këtu përfshihen edhe Bebe Rexha dhe Ava Max, të cilat gjithashtu janë shqiptare dhe Rita shpreson të lidhet me Duan që të realizohen.
“Tani kemi Dua Lipën dhe Bebe Rexhën dhe është e mrekullueshme. Unë mendoj se është një gjë e natyrshme që ne krahasohemi, veçanërisht pasi nuk ka shumë prej nesh në atë pjesë të botës. Por ne nuk mund të ishim më ndryshe, ne të treja”, ka thënë Rita në një intervistë.
E pyetur nëse ishin bërë ndonjëherë bashkë, ajo tha: “Po, me Ava Max dhe Bebe jam takuar. Ende jo aq shumë me Duan, por do të ishte mirë nëse të gjitha do të bënim diçka së bashku. Vetëm për të përfaqësuar vendin tonë”.
