Kastro Zizo ka hapur zemrën së fundmi duke rrëfyer disa copëza nga jeta e tij. Në një intervistë në “Se luan topi”, ai kujtoi të ëmën, falënderoi partneren dhe foli për mungesën 9-vjeçare në jetën e së bijës.
“Të gjithë thonë se I kanë nënat heroina. Por mami im ka qenë shumë e veçantë vërtet”.
-Çfarë ta mundon kaq shumë shpirtin? Ke pengje?
“Ajo nuk më pa dot asnjëherë siç ajo do donte të më kishte parë. Më la një amanet që unë mendoj se jam në rrugën e duhur që tia çoj në fund. Nuk donte që unë të kisha shumë gjëra në jetë, përveçse disa gjëra bazike. Të doja njerëzit e mi të afërt të jepesha për ta, të bëja për njerëzit e afërt sepse vërtet ajo që bën një ditë të kthehet.
-Pra pengu yt është që nëna nuk të pa siç je sot, larg alkoolit, drogës?
-Po, sepse kush është ai prind që do ta shohë fëmijën e vet në atë gjendje?
Por ai ka folur edhe për partneren e tij, Sarën.
“Falë Sarës jam ky që jam tani. Ky njeriu i lumtur, në paqe me veten. Unë në shumë anë e shihja jetën errësirë. Ajo më hapi sytë, pati dhe ka ende shumë durim. Jam shumë me fat që e kam Sarën”.
Ai përmendi edhe një pjesë tjetër të jetës së tij. Për mungesën e së bijës për 9 vjet në jetën e tij.
“Gati 10 vjet. 9 vjet pa e parë vajzën time, në ato vite gjeja një vrimë, gjeja një cep për të qarë.Nga ana tjetër duhet të mbaja atë figurën që kisha krijuar, atë të rebelit, të të fortit”, tha ai.
