“Sot kuptova se nuk do të dukem më kurrë kështu”, ka shkruar Selena Gomez në InstaStory krahas një fotoje. Ajo ndau për ndjekësit e saj pamje ndër vite e veshur me bikini, e cila u pasua nga një tjetër foto e tanishme.
Sërish me bikini, Gomez shkruan krahas fotos: Unë nuk jam perfekte, por jam krenare për veten time. Ndonjëherë harroj se është mirë të jem unë.
Shkurtin e kaluar, Gomez tha se ajo nuk do të ketë kurrë një trup modeleje për shkak të disa ilaçeve që merr, si përgjigje të komentuesve për peshën e saj.
“Ilaçet e mia janë më të rëndësishme dhe janë ato që më ndihmojnë”, tha artistja.
Një mesazh mëse i qartë që ta duam veten në çdo kohë, dimension dhe peshë.
