Jimmy Kimmel ka folur shqip në emisionin e tij duke e habitur Dua Lipën. Prezantuesi ka lexuar disa shprehje tipike shqiptare ndërsa Dua ia ka shpjeguar.
Ai e ka nisur me shprehjen frazeologjike “i ka bërë rrush e kumbulla”, ndërsa Dua i tha se kjo shprehje përdoret për të treguar që i ka shpenzuar gjithë lekët duke pirë dhe festuar.
“E kishte një dërrasë mangët”, “sa për sy e faqe”, “hyp të vrava, zbrit se të vrava”, ishin disa nga shprehjet që tha Jimmy. Madje prezantuesi përmendi edhe shqiptarët duke thënë se ata me siguri po qeshin duke e dëgjuar si e flet ai shqipen.
