Mbreti Charles ka bërë deklaratën e tij të parë publike pasi Pallati Mbretëror njoftoi se ai është diagnostikuar me kancer. Në një deklaratë monarku 75-vjeçar shpreh falënderimet e tij për të gjitha urimet e mira që ka marrë në vazhdën e lajmeve të tij shëndetësore.
“Dëshiroj të shpreh falenderimet e mia më të përzemërta për mesazhet e shumta të mbështetjes dhe urimeve të mira që kam marrë ditët e fundit”, tha Mbreti në deklaratë. “Siç e dinë të gjithë ata që janë prekur nga kanceri, mendime të tilla dashamirëse janë ngushëllimi dhe inkurajimi më i madh”.
“Është po aq inkurajuese të dëgjosh se si ndarja e diagnozës sime ka ndihmuar në promovimin e mirëkuptimit publik dhe ndriçimin e punës së të gjitha atyre organizatave që mbështesin pacientët me kancer dhe familjet e tyre në të gjithë Mbretërinë e Bashkuar dhe më gjerë”, vazhdoi deklarata. “Admirimi im i përjetshëm për kujdesin dhe përkushtimin e tyre të palodhshëm është edhe më i madh si rezultat i përvojës sime personale.”, përfundoi Mbreti.
