Heidi ka folur për herë të parë për lidhjen e saj me Massimiliano Varrese-n në “Grande Fratello” brenda shtëpisë së “BBV3”.
“A është loja jote me Romeon e njëjtë me Massimiliano-n në “Grande Fratello”?, ishte pyetja që e bëri të flasë.
“Ajo situatë ka qenë shumë ndryshe. Unë kam pasur presion në atë shtëpi dhe faktikisht, kam bërë një gabim. Nuk kam pasur fuqinë të ndaja ca gjëra dhe rashë në një grackë ku kisha kundër gjithë shtëpinë në atë moment. Faktikisht, me atë njeriun nuk ka ndodhur asgjë. Më vjen keq që ma përdorni, por nuk ka lidhje fare. Është situatë jashtëzakonisht shumë larg, pasi atje kam qenë keq, tani kam ndryshuar. Ka qenë diçka delikate që u bë temë e madhe në të gjithë Italinë dhe nuk ka fare lidhje me marrëdhënien me Romeon, e cila është shumë të pastër, të bukur dhe më bën të lumtur”, tha ajo.
Kujtojmë që Heidi, në GF krijoi një lidhje me Massimiliano Varrese-n, 47 vjeç.
Kjo nuk i pëlqeu Gentit, të atit të saj që i shkoi brenda shtëpisë së GF.
“Erdha këtu sepse të dua. Zgjedhja jote e gabuar na habiti. Mami dhe unë jemi të tronditur dhe të shkatërruar. Ti dhe një burrë më i madh se unë, i cili do të dalë në pension së shpejti. Nuk të njoh më,” ishin fjalët e Gentit, i cili e cilësoi Massimiliano-n si një njeri të dhunshëm dhe manipulues.
“Nuk ke arritur të vendosësh një mur me një person që të shkakton stres. Mami nuk të shikon më nga ai moment. Unë jam këtu sepse nuk do të lejoj askënd ta trajtojë keq vajzën time. Nuk lejoj askënd të shkelë dinjitetin e saj”, i tha asaj duke e bërë që të largohet.
