Ellie Goulding ka konfirmuar ndarjen nga bashkëshorti i saj, Caspar Jopling pas 4 vitesh e gjysmë martese. Të premten, këngëtarja e “Love Me Like You Do”, 37 vjeç, njoftoi publikisht ndarjen e tyre me një postim.
“Ndjej se nuk më ka mbetur asnjë zgjidhje tjetër veçse t’ju bëj të ditur të gjithëve se unë dhe Caspar u ndamë privatisht disa kohë më parë. Ne mbetemi miq të mirë dhe kemi bashkë-prindëruar me sukses djalin tonë. Jemi të përkushtuar të mbrojmë privatësinë tonë familjare dhe falënderojmë njerëzit paraprakisht për respektimin e dëshirave tona, nuk do të komentojmë më tej. Faleminderit”, shkroi këngëtarja.
Pas ndarjes Ellie ka nisur një lidhje të re me një instruktor sërfi. Ai quhet Armando Perez dhe dyshja janë fotografuar bashkë së fundmi.
Madje Armando ka publikuar në Instagram të njëjtin vend ku ndodhej këngëtarja dhe ajo e ka pëlqyer postimin.
