Ka ditë që produksioni më i ri i televizioneve shqiptare, Ferma Vip që pritet të nisë së shpejti në Vizion Plus ka ngacmuar ndjeshëm kurioziterin. Të gjithë duan të dijnë kush do të jenë personazhet VIP? Sa e madhe do të jetë shtëpia, po ferma… ç’kafshë do të ketë e ç’punë do të duhet të bëjnë konkurentët në këtë Fermë? Pyetje që pasojnë njëra -tjetrën ndër audiencën që ende nuk e din se në këtë reality show veç punës së tokës e të fermës, konkurentë do të duhet të kalojnë edhe në duele të forta përballë njëri-tjetrit për të mbijetuar e vazhduar në atë garë.
Pra dueli do të jetë pika më e fortë e këtij formati- duel në dije, në strategji e duel në sfida
fizike gati gati si tek “survive”, ç’ka do t’i japë këtij formati edhe më shumë
adrenalinë.
Në Ferma VIP gjizhçka duhet fituar me përpjekje e lodhje, shpeshherë edhe ushqimi dhe të mirat bazike të jetesës. Të mirëinformuar për këtë, mësohet se VIP-at nuk e lënë për asnjë ditë palestrën, gjatë këtyre ditëve që bëhen gati për të qenë pjesë e Fermës.
Kohëzgjatja e spektaklit pritet të jetë rreth 90 ditë dhe çdo javë njëri nga konkurrentet do të eliminohet ku rol të madh do të ketë dueli, kokë më kokë mes dy a ndoshta edhe më
shumë konkurresh.
Të presim e të shohim, këtë anë të panjohur të VIP-ave, sfida që as ata vetë nuk e kanë menduar se do të jetojnë ndonjëherë.
Kurioziteti për këtët reality show të pangjashëm me asnjë tjetër, edhe pak ditë, do të marrë përgjigje. VIP-at do të shfaqen live, në 24 orë, në dy kanalet e plaftormës Tring.
