Prezantuesi britanik John Oliver ka bërë disa komente spekuluese për Kate Middleton, duke thënë se ka mundësi të ketë vdekur 18 muaj më parë. Këto komente ai i bëri i ftuar në emisionin “Watch What Happens Live” pas raportimeve të vazhdueshme në media për mungesën e dukeshës në publik.
“Ka një shans që ajo të ketë vdekur 18 muaj më parë. Ata mund të jenë duke e zvarritur këtë situatë”, tha Oliver.
“Nuk po them se ka ndodhur!”, vazhdoi ai. “Unë them se ka mundësi. Derisa të provohet e kundërta. Derisa ta shihni me një kopje të gazetës së ditës.”
Edhe pse Oliver po bënte shaka, shumë janë shprehur të shqetësuar për vendndodhjen e Kate, veçanërisht pasi ajo nuk ka dalë në publik që nga operacioni i saj në janar.
