22 Mars 2024! Erdhi momenti i shumëpritur. Numërimi mbrapsht, tashmë me orë e minuta, ka nisur. Sonte, në orën 21:00, të gjithë para ekranit të Vizion + dhe Tring, pasi ndizen dritat që shënojnë fillimin e Ferma Vip, një reality show siç nuk e keni parë kurrë ma parë në Shqipëri.
Në shkëlqimin e një studioje gjigante, me një mbrëmje mbresëlënëse spektakli të vërtetë dhe unik, merr udhë një rrugëtim i jashtëzakonshëm për konkurrentët, por edhe për teleshikuesit, pasi kjo eksperiencë televizive do të jetë një risi absolute.
Gjithçka është gati, vrulli i këtyre çasteve të fundit përgatitjeje dhe provash finale, shpërfaq ritmin e pandalshëm me të cilin është po punuar dhe do të vazhdojë të punohet për të sjellë para shikuesit një produksion të këtyre përmasave, të kuruar në çdo detaj, sipas të gjitha standardeve që dikton një patentë prestigjioze ndërkombëtare si kjo.
Spektakli i mbrëmjes së sotme, nata e madhe e premierës së një reality show që do të sfidojë çdo klishe në vendin tonë dhe më gjerë, do të jetë e magjishme. Nën drejtimin e Fjoralba Ponarit nga studiot qendrore dhe Bes Kallakut nga ambientet e Ferma Vip, me kastin më interesant dhe të larmishëm, përzgjedhur pas studimesh e analizash të shumta, mes më të famshmëve të jetës publike në Shqipëri dhe Kosovë, me tre personalitete emrat e të cilëve do t’ia lëmë surprizë mbrëmjes së sotme, por që janë tre personalitete të mirëfilltë mediatikë, në rolin e opinionistëve, me një dinamikë atipike që nxit kontrast e shndërrohet në mision, Ferma Vip do të jetë një reality show ndryshe, origjinal dhe autentik.
Për rreth 90 ditë, 16 personazhe Vip, ndër më të famshmit në radhët e artit, medias, rrjeteve sociale, do të sfidojnë veten, do të zbulojnë para shikuesit një tjetër aspekt, do të “zhveshin” petkun e jetës mondane, për t’u dukur bukur, shumë bukur, ndoshta më bukur nga sa janë dukur ndonjëherë, para syve të atyre që i konsiderojnë si idhuj dhe i mbështesin gjithmonë. Në një fermë të mirëfilltë gjigante, ku do të shndërrohen në fermerë të vërtetë, presioni i të qenit personazhe publikë dhe i përshtatjes me mënyrën e re të jetesës, do të shndërrohet në një mision personal për secilin prej tyre, por ndoshta edhe motiv debati e përplasjesh. Duke ndërthurur në harmoni të plotë elementet e garës, mënyrës se jetesës, argëtimit, teksa e transporton audiencën drejt magjisë së jetës rurale, Ferma Vip do të jetë vendtakimi i preferuar i të gjithëve këtë pranverë, që duket se do të jetë më shpërthyese se kurrë.
Besoj e keni vënë re edhe ju, kudo që ndodheni, e gjithë vëmendja është tek ata, kureshtja, interesi, pyetjet për të zbuluar një personazh a një tjetër, janë bërë objekt diskutimi. Gjithkund flitet për Ferma Vip!
Të gjitha përgjigjet i marrim të gjithë së bashku, sonte në orën 21:00, në Vizion +, në spektaklin e madh, dhe në dy kanale të dedikuara në Tring, ku do të transmetohet ekskluzivisht gjithçka që ndodh në Fermën më të famshme në kohë reale, 27 orë në 7 ditë të javës.
Vendtakimin e dini, orën po ashtu, merrni kokoshkat, mblidhni miqtë dhe uluni të shijoni një faqe të re televizioni të vërtetë. As se mos harrojmë, nga kudo që ndodheni nëpër botë, Vizion + dhe kanalet Ferma Vip 1 dhe 2, i ndiqni anekënd globit me Tring OTT.
