Gjatë intervistës së saj të fundit për revistën Allure, Shakira foli për disa tema përtej muzikës, duke tërhequr vëmendjen për këndvështrimin e saj për filmin “Barbie”, të cilin e kritikoi ashpër.
Filmi i Greta Gerwig, me Margot Robbie dhe Ryan Gosling në rolet e Barbie dhe Kenit nuk u ka pëlqyer aspak fëmijëve të artistes, të cilët thanë se e urrenin plotësisht.
“Djemtë e mi e urrenin absolutisht. Ata mendonin se ishte turpëruese. Dhe jam dakord, në një farë mase. Unë po rrit dy djem. Unë dua që ata të ndihen të fuqishëm ndërsa respektojnë vajzat. Më pëlqejnë përpjekjet për të fuqizuar gratë pa i grabitur burrave mundësinë e tyre për të qenë burra. Unë besoj se ne gratë mund t’i bëjmë të gjitha pa humbur thelbin tonë, pa humbur feminitetin tonë. Mendoj se burrat kanë një qëllim në shoqëri dhe gratë kanë një qëllim tjetër. Ne plotësojmë njëri-tjetrin dhe ai plotësim nuk duhet të humbasë”, tha Shakira.
