Ku ka më bukur sesa kur sheh që vajzat mbështesin vajzat. Kështu nisi e hëna, me dy bukuroshet shqiptare që mbështesin një tjetër shqiptare të talentuar. E kemi fjalën për Angela Martinin dhe Xhesika Berberin të cilat u panë të shkëlqejnë në premierën “The proposal”, film në të cilin protagoniste është aktorja shqiptare, Neraida Bega.
Po kush është Neraida Bega?
Neraida jetoi 8 vitet e para të jetës së saj në Shqipëri dhe më pas emigroi. Gjatë kalimit të viteve, ajo u lidh me artet, si teatri apo mësime për piano, por megjithatë studimet i ndoqi për stomatologji.
Sapo iu dha mundësia për audicionin e rolit të saj të parë, nuk e mendoi dy herë dhe udhëtoi drejt SHBA-së për të ndjekur ëndrrën e saj, aktrimin. Tanimë ajo është e njohur për rolet e saj në WandaVision, American Bred, Apex Legend, Dog, e së fundmi filmi “The Proposal”, në të cilin është edhe protagoniste. Duket se karriera e saj në SHBA po merr çdo vit e më shumë yjet për të cilët ka punuar dhe shfaqja e së dielës që lamë pas e tregoi më së miri.
Angela dhe Xhesika janë gjithmonë aty, në radhë të parë për të duartrokitur e mbështetur shqiptarët që shkëlqejnë në tokën e ëndrrave, Amerikën.
