Një video e tmerrshme nga një korridor i një hoteli në LA tregon këngëtarin “Diddy” Combs duke dhunuar brutalisht dhe hedhur një objekt ndaj të dashurës së tij të atëhershme, Cassie Ventura, në vitin 2016.
Videoja është publikuar nga CNN dhe sipas saj sherri ka ndodhur më 5 mars 2016.
Në video, Ventura shihet duke dalë nga një dhomë hoteli me disa çanta, duke ecur me shpejtësi drejt ashensorëve.
Pas saj vrapon këngëtari me një peshqir dhe çorape, duke vrapuar drejt saj dhe pasi e arrin, e kap nga pjesa e pasme e qafës dhe e hedh në dysheme. Më pas ai kthehet dhe e godet me shkelm. Ai kthehet dhe i gjuan sërish me shkelm.
Ventura pastaj ngrihet ngadalë, mbledh sendet e saj dhe lëviz për të marrë një telefon në mur pranë ashensorëve. Combs kthehet dhe e shtyn përpara se të ulet në një karrige në korridor.
Më pas ai rrëmben një objekt nga një tavolinë pranë karriges dhe duke e hedhur me forcë drejt saj.
Asokohe vetëm dy ditë pas kësaj ngjarjeje, dyshja janë parë së bashku në premierën e LA të “A Perfect Match”. Lidhja e tyre ka zgjatur nga viti 2007 deri në vitin 2018.
