Kur flasim për automjetet në Shqipëri, është e pamundur të mos përmendim Mektrin Motors. Përfaqësuesi zyrtar i markave prestigjioze si Jaguar, Land Rover, Volvo dhe Kia, Mektrin Motors ka ardhur 19 vite më parë në tregun shqiptar me një filozofi të qartë: të bëhet pika e referencës për të apasionuarit e makinave dhe jo vetëm. Krahas suksesit në industrinë automobile, Mektrin Motors ka vendosur të zgjerojë horizontet e tij duke u kredhur në parajsën luksoze të mjeteve lundruese me Mektrin Marine.
Mektrin Marine u prezantua këtë fillim vere, duke sjellë një gamë të markave të njohura si Ranieri International, Cranchi Yachts, Cantieri Capelli dhe Skipper Powerboats. Për të prezantuar mjetet lundruese te klientët e saj dhe më gjerë, Mektrin Marine organizoi ‘Wheels & Waves’ një event dy ditor I mbushur me aktivitete dhe supriza.
Eksperienca nis me Range Rover
Eventi filloi me një vizitë në showroom-in e Mektrin Motors, kutë ftuarit u mirëpritën dhe u njohën me risitë e reja. Më pas, flotae makinave RANGE ROVER u nis drejt Manastirit të Ardenicës, një udhëtim komod drejt historisë, ushqimeve organike dhe terreneve të paeksploruara.
Nga Ardenica, udhëtimi vazhdoi drejt plazhit të Jugut në Livadh, ku të ftuarit u akomoduan në një prej hoteleve më luksoze të zonës. Nata e parë përfundoi me një darkë surprizëdhe një festë në plazh, duke krijuar një atmosferë festive për tëgjithë pjesëmarrësit.
Në valet e detit me Mektrin Marine
Dita e dytë ishte e dedikuar tërësisht prezantimit dhe testimit të mjeteve lundruese luksoze nga Mektrin Marine. Nën freskinë e dallgëve të detit dhe komoditetin e Skipper 34 NC, Skipper 42 NC, Cranchi A46 Luxury Tender, Cranchi E26 Rider, Capelli Tempest 1000 WA nisi rrugëtimi nëpër vale, për të përjetuar ndjesinë që këto mjete përcjellin. Thesaret e Mektrin Marine lundruan në brigjet e kaltra të Jonit, duke shoqëruar trokitjet e gotave dhe kohën e bukur mes miqve
Një hap i madh për Mektrin Motors
Me hyrjen në botën e mjeteve lundruese, Mektrin Motors dëshmon edhe një herë se është gjithmonë në kërkim të mënyrave të reja për të plotësuar dëshirat dhe kërkesat e klientëve të saj. Mektrin Marine jo vetëm që sjell një gamë tëgjerë të mjeteve lundruese të cilësisë së lartë, por edhe ofron një eksperiencë të re dhe emocionuese për tregun shqiptar.
Me Mektrin Marine, kompania hap një kapitull të ri, duke u ofruar entuziastëve të adrenalinës dhe luksit mundësinë për të përjetuar aventurën si në rrugë ashtu edhe në ujë, duke dëshmuar se ekselenca dhe inovacioni janë gjithmonë prioritet i misionit të saj.