A ekziston dashuria me shikim të parë? Për Igli Taren, po.
Në ZëmeMirënPodcast, Igli Tare tregon si e kuptoi pa shkëmbyer asnjë fjalë se Sandra do ishte gruaja e tij.
Ai kthehej nga pushimet me shokët, ajo pinte kafe me shoqet. Ai e pa, gjermanen që ishte brune. Diçka e goditi dhe iu drejtua shokëve: Ju prezantoj me gruan time të ardhshme.
Çfarë premtimi iu desh të thyente për hir të dashurisë për të?
Shkëputur nga podcasti me Mira Kazhanin:
Mira Kazhani: Sandra, e cila është një gjermane që duket si shqiptare, e martuar me një shqiptar që duket si gjerman.
Igli Tare: Ndodh edhe kjo.
Mira Kazhani: Në Gjermani ke thyer vetëm një premtim ama. Diku e ke prishur disiplinën. I kishe thënë vetes që do t`i marr gjithçka Gjermanisë, por nuse nuk marr në Gjermani.
Igli Tare: E vërtetë është!
Mira Kazhani: 6 muaj para se të shkoje në Itali, universi, planetet, komplotuan dhe vendosën fati tënd ndryshe.
Igli Tare: Vija nga një pushim 2-3 ditor me disa shokët e mi që ishim shumë të kënaqur dhe isha shumë i lodhur. Rastisa në një kafene me shoqërinë time dhe sapo u ula në tavolinë e shoh bashkëshorten time të ulur me dy shoqet e saj dhe u them atye shokëve të mi me shaka, po ju prezantoj gruan time të ardhshme.
Mira Kazhani: Ata ngelën të habitur në fillim. Thanë si ka mundësi, e njeh?
Igli Tare: I thashë unë, nuk e di, por është diçka që do ndodhë në jetën time.
Për rrëfimin e plotë të Igli Tares, dëgjo podcastin.