Problemet shëndetësore të Fedez janë rikthyer. Ka qenë vetë ai që ka postuar një foto nga spitali ku është shtruar me urgjencë pas një hemorragjie të brendshme.
“Jam si DJ Khaled kur thotë “një tjetër”, por me hemorragji të brendshme”, ka shkruar ai.
Më tej ai vazhdon me disa vargje të tjera.
“E ke gabim nëse mendon se nuk të kam dashur kurrë. Unë do të kisha vrarë për ty, por ti më ndalove. Vrimat që më bënë në stomak, për gjithë neverinë që mblodha.”
“Pikërisht në këto momente kupton se është më mirë të humbasësh disa njerëz sesa t’i gjesh”, ka shkruar Fedez më tej.
Kjo nuk është hera e parë që ai shtrohet në spital, ai më herët është diagnostikuar me kancer në pankreas dhe shtatorin e kaluar qëndroi rreth 10 ditë në spital.