Jennifer Lopez ka festuar 55-vjetorin dhe është shprehur tejet mirënjohëse. Përmes një postimi në “Instagram”, ajo falenderoi njerëzit dhe bëri një reflektim të gjatë në këtë ditëlindje.
“Vërtet kam fansat më të mirë dhe të mrekullueshëm në botë. Nuk mund ta shpreh dot kurrë se sa e emocionuar dhe pafundësisht e bekuar jam që ju kam pjesë të jetës sime. Faleminderit shuuuumëëë! Është e vështirë të besosh që kemi kaluar kaq shumë kohë bashkë. Kam shumë dashuri për ju. Dua ta dini se për ditëlindjen time, ju jeni dhurata më e madhe. Përpos familjes dhe miqve, ju keni qenë gjithnjë me mua në kohët e mira dhe të vështira. Gjithnjë mund të mbështetem te ju dhe dua që ta dini se dhe ju mund të mbështeteni tek unë. Faleminderit për kujdesin, kuptimin, besnikërinë dhe më e rëndësishmja, dashurinë tuaj. Faleminderit, faleminderit, faleminderit”, shkroi Jennifer.
