Dashuria mund të na ndryshojë, mund të na formësojë dhe mund të na bëjë të bëjmë gjërat më të çmendura, por nuk është justifikim për të keqen që disa njerëz mund të bëjnë me të.
Manipuluesit e dashurisë janë vetëm një shembull i njerëzve që përdorin dashurinë për të keqen, duke e shtrembëruar atë për përfitimin e tyre. Si mund t’i dalloni ata? Duke dëgjuar atë që ju thonë.
Në botën e marrëdhënieve, “bombardimi i dashurisë” nga një manipulues është një term që ka marrë shumë vëmendje vitet e fundit. Ai i referohet praktikës së mbushjes së dikujt me dashuri, vëmendje dhe dhurata që në fillim të një marrëdhënieje si një mjet për të fituar kontrollin mbi ta.
Mënyra e vetme për të mbrojtur veten nga një manipulues i dashurisë është duke i dalluar ata përpara se të bëhet dëmi, kështu që këtu janë disa fraza shumë të zakonshme që manipuluesit thonë për të hyrë në kokën e viktimave të tyre.
Kujdes: Këto fjali janë manipuluese kur sapo jeni njohur me këtë person dhe jo kur keni ndërtuar tashmë një marrëdhënie solide!
“Ti je personi më i mrekullueshëm që kam takuar ndonjëherë.”
Një nga gjërat e para që një manipulues i dashurisë do t’ju tregojë është se sa e veçantë jeni. Ata do t’ju mbushin me komplimente, duke ju bërë të ndiheni sikur jeni personi më i pabesueshëm që kanë takuar ndonjëherë. Ata e teprojnë shumë me komplimentet, kështu që nuk do të dëshironi që të largohen, pasi atëherë do të mbeteni pa këtë rrjedhë të qëndrueshme komplimentesh. Është e rëndësishme të mbani mend se admirimi i vërtetë zhvillohet me kalimin e kohës dhe bazohet në njohjen e vërtetë të dikujt dhe nuk formohet menjëherë pas takimit me dikë të ri.
“Ne jemi shpirtra binjakë”
Manipuluesit e dashurisë shpesh përdorin konceptin e shpirtrave binjakë për të krijuar një ndjenjë fati në marrëdhënie. Ata do t’ju thonë se ju duhet të jeni bashkë, duke përforcuar idenë se lidhja juaj është unike dhe e shkruar. Ndërsa ideja e shpirtrave binjakë është romantike, duhet t’i qaseni me kujdes. Mos harroni se një marrëdhënie e shëndetshme ndërtohet mbi mirëkuptimin reciprok, respektin dhe vlerat e përbashkëta. Ata ju thonë këto gjëra sepse duan që ju t’i mendoni si dikush që duhet të jetë në jetën tuaj.
“Nuk mund ta imagjinoj jetën time pa ty.”
Kjo frazë është krijuar për t’ju bërë të ndiheni të domosdoshëm për lumturinë e manipuluesit. Ata do t’ju thonë se jeta e tyre është e paplotë pa ju ose se nuk e dinë se çfarë do të bënin pa ju, duke krijuar një ndjenjë detyrimi dhe përgjegjësie për mirëqenien e tyre. Ndërsa është e natyrshme të dëshironi të jeni një pjesë e madhe e jetës së partnerit tuaj, është gjithashtu e rëndësishme të ruani pavarësinë tuaj. Një marrëdhënie e shëndetshme i lejon të dy partnerët të lulëzojnë si individë duke mbështetur njëri-tjetrin. Lumturia e dikujt tjetër nuk është kurrë përgjegjësia jote
“Ti je perfekte.”
Një tjetër taktikë e përdorur nga manipuluesit është idealizimi i objektivit të tyre. Ata do t’ju thonë se jeni perfekt, se nuk shohin asnjë të metë tek ju, nuk mund të bëni asnjë gabim, ose ndonjë kompliment tjetër që jep një imazh jorealist dhe të idealizuar për ju. Ky lavdërim i tepruar ka për qëllim t’ju bëjë të ndiheni të veçantë, por gjithashtu u jep atyre një “arsye” për t’u zemëruar me ju kur në mënyrë të pashmangshme bëni diçka që atyre nuk ju pëlqen. Askush nuk është i përsosur; ne të gjithë bëjmë gabime.
“Unë do të bëja gjithçka për ty.”
Kjo frazë, edhe pse duket me kuptim të mirë dhe sigurisht që mund t’ju bëjë të ndiheni të dashuruar, krijon një dinamikë të çekuilibruar që manipuluesit e përdorin në avantazhin e tyre. Ata jo vetëm që e bëjnë këtë për t’ju bërë të ndiheni më të sigurt në marrëdhënie, por edhe në mënyrë që ta përdorin më vonë. Sapo të sugjerojnë diçka me të cilën nuk ndiheni rehat, ata do t’ju kthejnë menjëherë një “por unë do të bëja gjithçka për ty”, duke ju fajësuar që t’i dorëzoheni kërkesës së tyre. Është një mënyrë manipuluese për t’ju bërë të bëni atë që ata duan.
“Ne nuk kemi nevojë për askënd tjetër.”
Manipuluesit shpesh përpiqen të izolojnë objektivin e tyre nga miqtë dhe familja. Ata do t’ju thonë se nuk keni nevojë për askënd tjetër, se ata mund të jenë gjithçka që ju nevojitet, se jeni vetëm ju të dy kundër botës. Duket si romantike, një premtim për dashurinë, por në të vërtetë, ka për qëllim të pakësojë besimin tuaj tek njerëzit e tjerë. Të kesh një lidhje të fortë dhe të besueshme me partnerin është ajo për të cilën duhet të përpiqesh në një lidhje, por jo deri në atë pikë sa të ndihesh sikur njerëzit e tjerë ‘po pengojnë’ dashurinë tënde, diçka që një manipulues do të fillojë të pretendojë pasi të ketë mbjellë këto mendime të dyshimta në mendjen tuaj.
“Dua të kaloj çdo moment me ty.”
Kjo është një tjetër taktikë për të krijuar një varësi. Nëse ju nxitojnë në angazhime të mëdha, ka më shumë gjasa të qëndroni, duke mos dashur të humbisni asgjë ose të pranoni se është bërë një gabim. Për të mos përmendur që të qenit në të njëjtën hapësirë u jep atyre më shumë mundësi dhe akses për t’ju manipuluar më tej në të ardhmen.
Manipuluesit shpesh flasin për të ardhmen shumë herët në marrëdhënie. Ata do të shprehin entuziazëm për ndërtimin e një të ardhmeje së bashku, madje do të fillojnë të bëjnë plane. Marrëdhëniet synohen të ndërtohen ngadalë me kalimin e kohës. Duke krijuar një ndjenjë urgjence për mënyrën se si po përparoni dhe duke marrë hapa të mëdhenj shumë shpejt, ata ju bllokojnë herët dhe e bëjnë shumë më të vështirë largimin nëse gjërat shkojnë keq./revistawho.com
